Ilir Shyti një nga 4 alpinistët, shpëtoi për mrekulli nga aksidenti i tmerrshëm që ndodhi me 30 dhjetor në Pukë, ku ishte i përfshirë gazetari Alfred Lela. Makina me të cilën ata udhëtonin ,pësoi një aksident për shkak të trashësisë së madhe të borës dhe ra në greminë nga Mali i Munellës, ku për fat të keq humbi jetën alpinisti Ndoc Mulaj.
Përmes një postimi në Facebook, kolegu i tij Ilir Shyti tregon çastet e tmerrshme nga ngjarja fatale. Ai tregon se ata filluan të zbrisnin nga maja e malit, por një moment kanë rrëshqitur dhe fatmirësisht Ilirin e mbrojti disi çanta e shpinës dhe kur është ngritur në këmbë pasi u rrëzua, sytë i kanë parë Ndocën që po rrokullisej pa patur mundësi shpëtimi drejt greminës.
“Pothuajse 200 m pa arritur në majë, filloi një stuhi e fortë ere dhe mjegulle dhe ndërsa po zbrisnin ai së bashku me ranë në greminë. Në atë moment që filluam zbritjen i pari rrëshqiti Alfredi duke na traumatizuar shumë pasi çdo rënie aty ishte fatale, jam ngritur në këmbë për të parë dhe rrëshqita edhe unë duke u rrokullisur disa herë dhe më pas e gjeta veten në ajër për disa sekonda duke rënë me shpinë në dëborën e ngrirë e cila ishte më e fortë se toka. Në momentet kur isha duke rënë, pashë Ndocin duke rrëshqitur dhe rënë drejt greminës në drejtim tjetër ku prezenca e shkëmbinjve ishte e lartë”, shkruan ai.
Kujtojmë se në atë ngjarje Ndoc Mulaj humbi jetën ndërsa Iliri pas disa orësh u gjet dhe u dërgua me urgjencë në spital ku tregon se tashmë është jashtë rrezikut për jetën, por i duhen disa muaj për t’u rikuperuar. Ndërsa gazetari Alfred Lela dhe të tjerët shpëtuan vetëm me disa gërvishtje të lehta.
Discussion about this post