Ditën e sotme do të luhen ndeshjet e raundit të tretë të fazës së grupeve në Champions League. Milan dhe Inter do të kenë ndeshje vendimtare për kualifikimin në fazën tjetër.
‘Kuqezinjtë’ e Italisë do të përballen me skuadrën portugeze të Portos dhe vijnë në këtë sfidë pas dy humbjeve me Liverpool dhe Atletico Madrid.
Trajneri Stefano Pioli është ende në dyshime për formacionin me Rebiç që mungon, teksa Ibrahimovic nuk dihet nëse do të luaj, ndërsa Giruod pritet të jetë titullar.
Teksa në Grupin D, Interi do të përballet me ekipin e Sheriff Tiraspol, i cili ka qenë edhe surpriza e këtij Championsi duke kryesuar me 6 pikë të plota.
‘Zikaltërve’ iu duhet fitorja që të marrin kreun teksa pritet rikthimi i Dumfries e Calhanoglu në formacionin titullar, ashtu si Lautaro do jetë përkrah Dzeko.
Skuadra nga Moldavia mund të habisë sërish e mbi të gjitha pas ndeshjes në ‘Santiago Bernabeu’./K.T/Gijotina.com
