Milani ka marrë një fitore të rëndësishme ndaj Romës, duke e mposhtur me rezultatin 3-1. Olivier Giroud u tregua i saktë nga pika e penalltisë në minutën e 8, ndërkohë nuk shkoi shumë dhe rosonerët dyfishuan epërsinë me Junior Messias në minutën e 17-të.
Romakët u kthyen në lojë në minutën e 40-të me Tammy Abraham. Në minutën e 74-të, Roma mbeti me një futbollist më pak në fushë kur Rick Karsdorp u ndëshkua me kartonin e dytë të verdhë.
Kuqezinjtë e shfrytëzuan për mrekulli avantazhin e një futbollisti më tepër në fushë duke e realizuar golin e tretë dhe të qetësisë nëpërmjet Rafael Leaos në minutën e 82-të.
Situata në minutat shtesë u bë dramatike pasi mbrojtësi i Romës, Gianluca Mancini u ndëshkua me karton direkt të kuq, duke u bërë penallti në favor të Milanit, mirëpo Ibrahimovic gaboi nga pika e bardhë, për të mbetur në fund rezultati final 3-1.
Kështu, me 45 pikë të grumbulluara Milani i vihet në ndjekje Interit me vetëm një pikë.
Discussion about this post