Kualifikimi në çerekfinalet e UEFA Champions League i sjell Milanit prestigj të ri në skenën ndërkombëtare, por përfitojnë edhe arkat e klubit. Me mbërritjen në mesin e 8 më të mirëve në Europë, “Il Diavolo” garantoi të paktën një fitim prej 71.4 milionë euro: 15.64 milionë vetëm nga pjesëmarrja, 30.20 milionë ecuria gjatë fazës së grupeve dhe fazës me eliminim, 14.79 milionë për koeficientin e rendimentit dhjetëvjeçar dhe afërsisht 12.76 fitime të nxjerra nga market pool, nga të cilat duhen zbritur 2 milionë euro për shkeljen e “fair play”-it financiar.
Vitin e kaluar Milani, i eliminuar në fazën e grupeve, grumbulloi 45.283 milionë nga Champions League. Tashmë falë kualifikimit në çerekfinale, të ardhurat janë rritur me 26 milionë. Dhe, për fat të kuqezinjve, kjo nuk është e gjitha.
SA FITOHET ME CHAMPIONS-in?
UEFA do të shpërndajë një total prej 2.022 miliardë eurosh për 32 klubet që marrin pjesë në turne. Të ardhurat neto të disponueshme për klubet pjesëmarrëse do të ndahen si më poshtë:
25% do të ndahen për kuotat fillestare (500.5 milionë euro);
30% do të ndahen për shumat fikse që kanë të bëjnë me shërbimet (600.6 milionë euro);
30% do të caktohet në bazë të renditjes së koeficientit të performancës 10-vjeçare (600.6 milionë euro);
15% do të lidhet me kuotat e ndryshueshme të lidhura me grupin e tregut (300.3 milion €)
Discussion about this post