Në thuajse 100 vjet përballje mes tyre, Milani dhe Interi i kanë dhënë jetë shumë ndeshjeve epike.
236 sfida milaneze në vetëm shtatë prej tyre kuqezinjtë kanë ditur të reagojnë pasi janë gjendur në disavantazh pas një pjese loje.
Në të gjitha rastet ka ndodhur pas viteve ’70-të, ndërkohë që deri në atë kohë përmbysjet ishin provuar nga lojtarë të Interit.
Sa u përket kuqezinjve, për herë të parë i ka ndodhur në 1984-ën, ndërsa e fundit është diçka më shumë se një vit më parë, kur Giroud me dopietën e tij anulonte avantazhin e Perisiçit.
Në mes edhe pesë sfida të tjera, por vetëm në njërën prej tyre “djalli” ka ditur të zhvlerësojë dy gola avantazh të kushërinjve.
Ishte viti 2004 kur Cristiano Zanetti dhe Stankoviç gjenin rrugën e rrjetës duke i dhënë jetë një feste të parakohshme zikaltër.
Reagim kuqezi vjen në 45 minutat e dytë me Jon Dahl Tomasson, Kaka dhe Seedorf, që me silurën e tij parajsën ua dhuron kuqezinjve.
Në ndeshjet e tjera avantazhi interist ka qenë gjithmonë minimal. Kjo ndodhte në 1984-ën, 1987-ën, 1999-ën, 2001-shin dhe siç thamë në 2022-shin.
Në fakt, në historikun e “remuntadave” të Milanit është edhe Superkupa e vitit 2011. Sneijder çonte në avantazh Interin që në pjesën e parë, ndërkohë që golin e holandezit e anulonin Ibrahimoviç dhe Kevin Prince Boateng.
Në turin e parë të Kupës UEFA të sezonit 1985-86 Milani përmbyste rezultatin 3-1 kundër Auxere, duke mundur të njëjtën skuadër 3-0 në ndeshjen e kthimit.
Në Champions, përmbysja e fundit është ajo e gjysmëfinales së 2007-ës kur pas humbje 3-2 në Angli, ekipi i Ancelottit zhvillonte ndeshjen perfekte kundër Man. United në “San Siro”.
Discussion about this post