Skuadra e Milanit ka arritur një fitore shumë të rëndësishme në fushën e Romës me rezultatin e ngushtë 2-1. Me këtë sukses kuqezinjtë ngjiten në kuotën e 31 pikëve në kampionat në të njëjtën kuotë me Napolin por me një golavarazh më të dobët se bardhekaltërit. Ibrahimoviç zhbllokoi shifrat në këtë përballje teksa suedezi shënoi më pas edhe golin e dytë por që u anullua për pozicion të parregullt.
Për kuqezinjtë gjërat u bënë më të thjeshta pas fitimit të penalltisë që u shndërrua në gol nga Kesie. Milani mbeti më pas me 10 futbollistë pasi u ndëshkua me kartonin e kuq mbrojtësi Hernandez. Golin e vetëm të Romës e shënoi El Sharaui në kohën shtesë. Një paraqitje mjaft e mirë e të besuarve të trajnerit Stefano Pioli që po bëjnë një sezon të mrekullueshëm.
