Milan e Newcastle përballen mbrëmjen e sotme në ndeshjen e fundit në grup në kuadër të kualifikueseve për më tej në Champions League.
Kuqezinjtë gjenden në vendin e fundit me 5 pikë, po aq sa anglezët, por në rast fitoreje do të kalonin të dytët. Për të arritur kualifikimin, duhet që Dortmundi të bëjë detyrën me parizienët. Verdhezinjtë tashmë e kanë prerë biletën, ndërsa presin të qetë kampionët e Francës. Gjermanët janë i vetmi ekip që e nisën me humbje, por më pas mundën të rikuperojnë dhe rrëmbejnë kreun.
Në grupin G, ku luajnë dhe kampionët në fuqi të Evropës, nuk ka histori, pasi verdiktet janë marrë 2 javë më parë. Dy ekipet që vijojnë më tej janë Manchester City dhe Leipzig.
Në grupin H, situata është ndryshe, aty ku vetëm Barcelona ka siguruar kalimin për në fazën me eliminim direkt, teksa Porto dhe Shakhtar do të luftojnë për një biletë. Dy skuadrat ndeshen me njëra-tjetrën në orën 21:00 në Portugali.
Atletico Madrid dhe Lazio kanë të drejtë të vijojnë më tej rrugën drejt trofeut edhe pse përballen më njëra-tjetrën këtë të mërkurë.
Spanjollët kryesojnë me 11 pikë, ndërsa në vendin e dytë janë lacialët me 1 pikë më pak, ku në rast fitore do të rrëmbenin fronin.
Feyenoord udhëton drejt Skocisë ku e pret Celtic, ndërsa holandezët do të luftojnë ne Europa League për pasi kanë 6 pikë kundrejt 1 të vendësve.
Discussion about this post