Ministri bjellorus bën thirrje për armëpushim në Ukrainë

Bjellorusia ka bërë thirrje për një armëpushim në Ukrainë duke kërkuar që mes dy vendeve të nisin negociatat.

Ministri i Jashtëm bjellorus Sergey Aleynik gjatë vizitës së tij në Hungari tha se Bjellorusia njësoj si Hungaria është në anën e paqes.

Më tej shtoi se qëndrimi i Minskut është i qartë, ndërsa vuri në dukje se duhet të ndalet vrasja e njerëzve.

“Bjellorusia ashtu si Hungaria është në anën e paqes. Qëndrimi ynë është i qartë, duhet të ndalet vrasja e njerëzve”, ka thënë ai.