Ministrja e Energjisë dhe Infrastrukturës, Belinda Balluku, ka zhvilluar një takim me delegacionin e BERZH-it të kryesuar nga zv.presidenti i parë, Jurgen Rigterink, ku në fokës të bisedimit ishte zhvillimi i sektorit hekurudhor.
Ministrja Balluku bëri të ditur se sektori hekurudhor do të ketë një fokus të shtuar gjatë mandatit të tretë qeverisës.
“Takime intensive me skuadrën e BERZH të kryesuar nga zv.presidenti i parë, Jurgen Rigterink, gjatë të cilit diskutuam në mënyrë të detajuar mbi projektet e përbashkëta, duke i kushtuar vëmendje të veçantë sektorit hekurudhor, i cili do të ketë një fokus të shtuar gjatë mandatit të tretë qeverisës”, deklaroi Balluku.
Balluku është shprehur se ishte një diskutim i hapur, me sugjerime dhe angazhime konkrete të dyanshme, për avancimin e projekteve të reja në sektorin hekurudhor, me besimin se do të arrijmë të ripërsërisim bashkëpunimin e suksesshëm që kemi pasur në sektorin e energjive të rinovueshme.
