Mbrëmja e sotme na rezervon 4 përballje mjaft interesante ku zbresin në fushë katër nga kombëtaret më të forta në Europë.
Holanda do të luajë kundër Skocisë në stadiumin neutral ‘’Algarve’’ në Portugali. Për tulipanët pritet të jetë një test para Kampionatit Europian, teks De Bur ka mundësinë të testojë mjaft lojtarë që të ketë idetë e qarta para kompeticionit të rëndësishëm.
Kampionia e Botës, Franca luan në shtëpi përballë Uellsit, me këta të fundit që në datën 5 qershor do të presin Kombëtaren tonë në një sfidë miqësore. Të gjithë sytë do të jenë nga sulmuesi Karim Benzema, i cili kthehet në kombëtare pas 6 vitesh mungesë.
Gjermania do të luajë kundër Danimarkës në stadiumin ‘’Tivoli Neu’’ në Austri, ndërsa Anglia pret në shtëpi Austrinë.
