Më 9 nëntor në orën 18:30 Shqipëria do të luajë një miqësore në Marbella të Spanjës, kundër Katarit, organizatori i Botërorit dhe si i tillë pjesëmarrës.
Kombëtarja shqiptare ka nisur sot grumbullimin për këtë ndeshje, me lojtarët dhe stafin teknik që janë paraqitur sot në kompleksin Tropikal në Durrës.
Në këtë seancë të parë nën drejtimin e trajnerit Edoardo Reja kanë marrë pjesë 20 nga 23 lojtarët e ftuar për të test miqësor.
Lajmet nga infermieria flasin për mesfushorin Ardit Deliu i cili nuk është stërvitur me grupin, pas disa shqetësimesh muskulore dhe është vendosur që ai të bëjë sot pushim për të mos rrezikuar.
Kolegëve kuqezi iu bashkua portieri Arlis Shala kurse mesfushori Kristal Abazaj do të bëhet pjesë e grupit në orët e paradites së të dielës.
Kombëtarja do të qëndrojë në Durrës deri të martën më mëngjes për t’u nisur më pas drejt Spanjës.
Discussion about this post