Ajo është 27 vjeçe por ka arritur që të ketë një sukses të jashtëzakonshëm në tregun muzikor. Është fjala për këngëtaren e famshme me origjinë shqiptare, Dua Lipa.
Diva e muzikës njihet për modestinë e saj që rrallë e gjen te çdo artist në kohët e sotme. Po për të qëndruar kaq e thjeshtë dhe origjinale Dua ka treguar në podcastin ‘Happy Place’ se:
“Miqtë dhe familja ime më mbajnë me ‘këmbë në tokë’. Unë mund të ulem në një tryezë dhe nuk jam më e rëndësishmja dhe nuk dua të jem kurrë. Kam miqtë e mi gjatë gjithë kohës, ata më injorojnë në shtëpinë time.
Është pikërisht aty ku dua të jem, kjo është perfekte. Puna ime është e jashtëzakonshme, por më pëlqen ta mendoj jetën time si normale.
Në fillim nuk e kuptoja pse isha kaq e famshme. Nuk doja të largohesha nga shtëpia nëse nuk do të isha grimuar, në rast se paparacët do të bënin një foto. Këto gjëra më pengonin dhe më ndaluan të bëja gjëra që i doja shumë”.
Rikujtojmë se së fundmi 27-vjeçarja ka arritur marrëveshjen e saj më të madhe deri më sot dhe pritet të bëhet fytyra e re e Porsche.
Këngëtarja e “New Rules” më parë ka qenë edhe imazhi i kompanisë së makinave luksoze Jaguar./SHQIP
Discussion about this post