Miratohen listat e këshillave bashkiakë për 12 subjekte zgjedhore

Komisioneri Shtetëror i Zgjedhjeve shqyrtoi në seancë publike  kërkesat e disa subjekteve zgjedhore për miratimin e e listave shumemërore për zgjedhjet për organet e qeverisjes vendore të datës 14 maj 2023.

Në përfundim të shqyrtimit, Komisioneri vendosi miratimin e listave shumemërore të kandidatëve për anëtarë këshillat bashkiakë për subjektet zgjedhore si më poshtë:

1- Aleanca Arbnore Kombëtare, për bashkitë Tiranë, Korçë dhe Lezhë;

2- Partia Aleanca Demokratike e Shqipërisë, për bashkinë Lezhë;

3- Aleanca Demokristiane e Shqipërisë, për bashkinë Tiranë;

4- Aleanca për Demokraci dhe Solidaritet, për bashkinë Lushnjë;

5- Aleanca Liberale e Djathtë, për për bashkitë Durrës, Fier, Kamëz, Lezhë, Lushnjë, Shkodër dhe Tiranë;

6- Lëvizja Bashkë, për bashkinë Tiranë;

7- Partia për Mbrojtjen e të Drejtave të Emigrantëve, për bashkinë Lezhë;

8- Ardhmërija Shqiptare, për bashkitë Durrës dhe Lezhë;

9- Partia Kristian Demokrate e Shqiperise, për bashkinë Lezhë;

10- Partia Republikane Shqiptare, për bashkitë Berat, Durrës, Elbasan, Fier, Lezhë, Lushnjë, Shkodër, Tiranë, Vlorë, Kamëz dhe Korçë;

11- Partia Unitetit Kombëtar, për bashkinë Lezhë;

12- Bindja Demokratike, për bashkinë Elbasan;

13- Z. Lazjon Vangjel Petri, si kandidat i propozuar nga zgjedhësit për anëtar të këshillit bashkiak, Bashkia Korçë;

Gjithashtu, Komisioneri vendosi mosregjistrimin e listës shumemërore të kandidatëve për anëtarë të këshillit bashkiak, Bashkia Tiranë, të subjektit zgjedhor “Fronti i Majtë”, për shkak se disa prej emrave të listës shumemërore rezultojnë edhe në listat shumemërore të një subjekti tjetër zgjedhor, lista shumemërore nuk respekton kuotën gjinore dhe numrin e kandidatëve në listë.