Kuvendi ka miratuar me 83 vota pro 9 projektligje të rendit të ditës që kanë të bëjnë me buxhetin e vitit të ardhshëm, paqen fiskale dhe rivlerësimin e pasurive. Seanca maratonë zgjati rreth 16 orë dhe rreth orës 03:00 të mëngjesit ku u miratua në parim projektbuxheti 8.8 miliardë euro për vitin 2026.
Mbledhja e Kuvendit ditën e djeshme u shoqërua me debate të ashpra mes shumicës dhe opozitës. Opozita ka refuzuar që të votojë pro buxhetin për vitin e ardhshëm.
Ndërkohë socialisti Erion Braçe doli nga “rreshti” duke mos votuar pr.ligjin “Për sistemin e taksave vendore”. Ndërsa Vullnet Sinaj nuk mori pjesë në votimin e 2 projektligjeve, “Për marrëveshjen e paqes fiskale” dhe atë për “Për fshirjen, shuarjen dhe pagesën e detyrimeve tatimore ndaj administratës tatimore qendrore e të detyrimeve të pagueshme në doganë”.
VOTAT:
Projektligji “Për disa ndryshime dhe shtesa në ligjin nr. 9920, datë 19.5.2008, “Për procedurat tatimore në Republikën e Shqipërisë”, të ndryshuar.
Votimi: 83 pro, 31 kundër
Projektligji “Për disa ndryshime në ligjin nr. 92/2014, “Për tatimin mbi vlerën e shtuar në Republikën e Shqipërisë”
Votimi: 83 pro, 32 kundër
Projektligji “Për disa ndryshime dhe shtesa në ligjin nr. 29, datë 30.3.2023, “Për tatimin mbi të ardhurat”
Votimi: 83 pro, 32 kundër
Projektligji “Për disa shtesa në ligjin nr. 9632, datë 30.10.2006, “Për sistemin e taksave vendore”, të ndryshuar
Votimi: 82 pro, 32 kundër
Projektligji “Për faturën dhe sistemin e monitorimit të qarkullimit”, të ndryshuar
Votimi: 83 pro, 32 kundër
Projektligji “Për marrëveshjen e paqes fiskale”
Votimi: 82 pro, 32 kundër
Projektligji “Për rivlerësimin e pasurisë së paluajtshme”
Votimi: 83 pro, 31 kundër
Projektligji “Për fshirjen, shuarjen dhe pagesën e detyrimeve tatimore ndaj administratës tatimore qendrore e të detyrimeve të pagueshme në doganë”
Votimi: 82 pro, 30 kundër
Projektligji “Për buxhetin e vitit 2026”
Votimi: 83 pro, 32 kundër
Discussion about this post