Fituesja e konkursit Miss Rusia është përballur me kritika të shumta pasi fotot e saj “pa filtra” nuk ngjajnë aspak me ato që ajo publikon në rrjetet sociale.
Natalya Oskar, 34 vjeç, nga Khabarovsk në Rusinë e largët lindore, fitoi konkursin të martën. Por ajo është kritikuar nga përdoruesit e rrjeteve sociale pasi një foto e saj ‘e vërtetë’ qarkulloi në internet, ku shfaqte buzët e saj të deformuara, fytyrën me rrudha dhe shtatin e shkurtër.
Përdoruesit e mediave sociale bënë komente tallëse për buzët e saj, grimin e rëndë dhe shtatin e shkurtër. Të tjerë thanë se ajo e kishte tepruar me operacionet plastike dhe disa thanë se ajo dukej ‘krejt ndryshe’ me personin që fitoi dhe reklamohet në Instagram.
Përballë këtyre pamjeve njerëzit kanë pyetur se si ajo fitoi konkursin dhe nëse ishte vetë ajo që mori pjesë. Ata kanë zbuluar se ajo është e martuar me Roman Bezmaternykh, 45 vjeç, një miliarder që shet materiale ndërtimi dhe zotëron një firmë që sponsorizoi konkursin.
Konkursi “Miss Russia” është për gratë e martuara që kanë fëmijë. Fituesja Natalya Khudiakova ka një vajzë, Monika, me bashkëshortin e saj manjat ndërtimi, Roman.
Discussion about this post