Një ngjarje e rëndë dhe njëkohësisht e mistershme ka ndodhur ditën e sotme ku ka mbetur e plagosur rëndë një femër në një qendër tregtare në Egaleo të Greqisë.
Lidhur me ngjarjen sipas informacioneve paraprake, ajo është gjetur e plagosur rëndë nga roja i qendrës tregtare në orën 7 të mëngjesit të sotëm dhe është transportuar menjëherë me autoambulancë për në spital.
Sipas autoriteteve, paraprakisht dyshohet që ajo të ketë rënë nga lartësia por nuk kanë mundur dot të sqarojnë nëse ishte një tentativë vetëvrasjeje, një aksident apo një vepër kriminale.
Së fundmi, policia ka shkuar në vendngjarje dhe ka sekuestruar pamjet nga kamerat e sigurisë të qendrës tregtare për të parë se çfarë ka ndodhur saktësisht.
Discussion about this post