Detaje të reja kanë dalë në dritë nga atentati misterioz me armë zjarri në Papër të Elbasanit.
Në këtë atentat dyshohet për një person të plagosur. Pak më para burime nga grupi hetimor bën me dije se brenda mjetit tip ‘BMË’ janë gjendur 5 litra benzinë po ashtu dhe një kallashnikov.
Disa metra më larg vendit ku është qëlluar me breshëri kallashnikovi, makina është gjetur e braktisur nga personat që ishin brenda saj. Një tjetër detaj që është konstatuar është se makina e qëlluar është me targa të vjedhura.
Nuk dihen ende rrethana të tjera të ngjarjes. Shërbimet e Policisë ndodhen në vendngjarje dhe po krehin zonën me qëllim kapjen e personave të përshirë në këtë ngjarje.
Discussion about this post