Eksperti kriminalistik Ervin Karamuço, gjatë emisionit Zonë e Lirë, tha se anëtarët e MEK, të strehuar në kampin e Manzës, zhvillojnë takime sekrete jashtë këtij kampi.
Madje Karamuço zbuloi detaje se këto takime mbahen në një banesë, e cila është në pronësi të një ish-profesori të Tiranës, i cili më parë është hetuar për trafik organesh.
“Kampi nuk ka refugjat dhe nuk është i organizuar në formën e tij humanitare. Është një repart ushtarak, i drejtuar nga një kupolë.
Kjo kupolë ka edhe disa persona që nuk duan të shfaqin identitetin. Disa prej këtyre që Policia do t’i mbajë në survejim, takimet e tyre nuk i bëjnë në kamp, por në një shtëpi në zonë, që është në pronari të një ish-profesori të Tiranës.
Ky ish-profesori që është shprehur se e ka lënë me qira dhe nuk e di se çfarë bëhet në shtëpinë e tij, më parë është hetuar për trafik organesh.
Kjo kupola dëshiron që të na fusë në luftë me Iranin”, tha Karamuço.
Sipas tij, dyshohet se MEK nuk ka kryer sulme kibernetike vetëm ndaj Iranit, por edhe ndaj shteteve të tjera të NATO-s, që ende nuk dihet.
“Janë bërë dy kontrolle në kampin e MEK. i pari është bërë vjet për lëndë narkotike, nuk është bërë asnjë rezistencë. Këtë vit, pjesa e parë ishte dakordësi e plotë me drejtuesit, kur nisi kontrolli në objektet ku ishin serverat nisi rezistenca. Cfarë i fsheh ti qeverisë shqiptare që të kanë mbajtur gjithë këto vite? Sjellja e tyre është shumë e dyshimtë”, tha ai.
Discussion about this post