Pas mbylljes së procesit të votimit ka nisur dhe numërimi i votave në Mitrovicë. Me hapjen e kutive të para nga 6.38 për qind të votave në Mitrovicë të Jugut, kandidati i PDK-së për kryetar, Bedri Hamza prin me 52.83 për qind të tyre.
Ndërkaq, pasues i tij është kandidati i VV-së, Agim Bahtiri ka marrë 36.62 për qind, i ndjekur nga Armend Agolli me 10.55 për qind të votave.
Nëse rezultati do të vazhdojë në këtë mënyrë deri në fund, atëherë do të kemi një përmbysje në Mitrovicë, pasi Agim Bahtiri e ka fituar dy herë këtë komunë.
Ndërsa në Mitrovicën e Veriut kryeson kandidati i SL me 99.23 % të votave ndërsa kandidati i partisë IQM ka marrë deri më tani 0.77 % të votave.
