Kryeministri grek Kyriakos Mitsotakis iu drejtua të hënën në seancën parlamentare, në lidhje me zjarret në Rodos dhe rajone të tjera të vendit, duke nënvizuar çështjen e ndryshimeve klimatike.
Kryeministri e nisi fjalën e tij në Dhomën e Përfaqësuesve me një referencë të gjerë për zjarret që po djegin Rodosin dhe rajone të tjera të vendit, në kuadër të debatit për projektligjin për votimin e grekëve jashtë vendit.
Në veçanti, Mitsotakis theksoi se përpjekjet e shtetit u njohën nga të gjithë, përfshirë turistët, mijëra prej të cilëve u shpëtuan në evakuimet e vendbanimeve dhe hoteleve.
“Pavarësisht vërshimit të zjarrit, asnjë jetë nuk humbi, dhe kjo dëshmon se kundër tërbimit të natyrës, asnjë masë nuk do të mjaftojë kurrë.
Kjo verë na gjen me vapë të vazhdueshme dhe erëra të forta, në Rodos prej ditësh kemi erëra të vazhdueshme që kalojnë 6 Beaufort. Në Rodos, pas ditës së dytë kur zjarri kishte shfaqur disa shenja shuarje, zjarri bëri fronte të reja.
Dhjetëra mijëra njerëz u transportuan në mënyrë të organizuar dhe në kohë në vende të sigurta. I jemi mirënjohës zjarrfikësve, mbrojtjes civile, forcave të armatosura, policisë dhe vullnetarëve për vetëmohimin e tyre. Për javët e ardhshme, ne duhet të jemi në gatishmëri të vazhdueshme. Jemi në luftë, me zjarr”, tha kryeministri.
Mitsitakis tha “Jemi në luftë” duke iu referuar zjarreve që shpërthejnë në rajone të vendit, duke shtuar se turizmi do të rikthehet, duke shtuar se qeveria do të bëjë një bilanc në kohën e duhur për rezultatet e zjarreve dhe masat për të ndihmuar të prekurit nga fatkeqësia. Ai falënderoi të gjithë ata që morën pjesë në operacionet e evakuimit.
Discussion about this post