“Mitsubishi” del nga rruga në Përmet, plagosen dy të moshuar pasagjerë në mjet

Një aksident ka ndodhur në aksin rrugor Përmet-Çarshovë, në afërsi të fshatit Strëmbec, ku mjeti tip “Mitsubishi” me drejtues 47-vjeçarin me inicialet E. T., banues në Tiranë, ka dal nga rruga.

Për pasojë kanë mbetur të dëmtuar pasagjerët, 74-vjeçari me inicialet M. Q. dhe E. Q., rreth 70 vjeç, të cilët u transportuan në spitalin e Përmetit dhe ndodhen jashtë rrezikut për jetën.

Në vendngjarje shkuan shërbimet e policisë, grupi hetimor po punon për përcaktimin e shkaqeve të aksidentit.