Kryeministri Edi Rama në mbledhjen e Asamblesë së PS-së iu ka bërë një thirrje të rëndësishme punonjësve të Administratës. Ai tha se janë evidentuar raste kur tentohen të bëhen grupime, miqësi si dhe ndikime nga punonjësit e administratës për të zgjedhur kryetarin e degës. Ai tha se krerët e degëve do të jenë persona që dalin në terren, që dërgojnë zërin e PS te qytetarët dhe anasjelltas. Sipas tij, në asnjë mënyrë punonjësit e Administratës nuk duhet të ndikojnë në procesin politik të PS.
“Kjo është një zgjedhje me rëndësi të madhe, jo vetëm për zgjedhjet vendore të ardhshme, të cilave do t’iu kushtojmë vëmendjen gjatë gjithë pjesës së dytë të këtij viti. Por është jashtëzakonisht e rëndësishme për vitet që do të vijnë, është domosdoshmëri që ti japim partisë në nivele drejtuese një profil të ri politik, që na siguron që partia ka zë në territor, ku kryetarët e partisë nuk janë as hije të kryetarit të bashkisë, dhe as konkurrent të tyre, dhe as zyrtarë që merren me punësime.
Duhet të jenë njerëz që çojnë zërin e PS në territor, organizojnë komunikimin e partisë në të gjithë territorin, dhe të dinë që komunikojnë me njerëzit, që janë shtrati i ri politik i PS-së së nesërme, u shpreh ai.
Në fjalën e tij në asamble, Rama foli dhe për rrjetin e organizatave rinore dhe të koordinatorëve, që sipas tij do ti japin partisë një fuqi të re, edhe në aspektin organizativ.
Discussion about this post