Një lajm i keq ka ardhur për lojtarin e Barcelonës, Sergio Aguero, nga mjekët nga Spanja. Emisioni ‘El Mati’ i radios ‘Catalunya’ ka informuar se sëmundja e argjentinasit është më e rëndë seç pritej dhe se kjo gjë mund ta largojë atë nga futbolli një herë e përgjithmonë.
Më tej raportohet se ‘rezonancat mjekësore dhe testet e stresit që ai i është nënshtruar ditëve të fundit po detajojnë se problemi i zemrës është më serioz se ç’ishte vlerësuar fillimisht’.
Një lajm tronditës ky si për vetë 33-vjeçarin ashtu edhe për Barçën nëse do të rezultojë të jetë i vërtetë.
Rikujtojmë se Aguero pati probleme me frymëmarrjen ndërsa ishte duke luajtur kundër Alaves në ‘Camp Nou’ muajin e kaluar.
Ai u dërgua menjëherë në spital ku u konstatua se kishte probleme me zemrën dhe përgjigja e parë që iu dha ishte se do duhet të rrijë të paktën 3 muaj larg fushës së blertë./K.T/Gijotina.com
Discussion about this post