Mjekja infeksionistes pranë QSUT, Migena Qato, ka treguar sot në një prononcim për mediet se, në infektiv çdo ditë shtrohen rreth 20 pacientë, pjesa më e madhe në gjendje të rënduar shëndetësore.
Ajo ka treguar se në javët e fundit ka pasur një shtim të rasteve tek moshat e reja të cilat po paraqiten me insufiçencë respiratorë dhe simptoma të tjera të rënda. Shkak mund të jetë varianti Delta. “Numri i rasteve ka variuar nga 15 deri në 20 raste. Format mbi mesataren. Janë duke u trajtuar pacientë në gjendje vërtet kritike për jetën. Çdo ditë po humbasin jetën moshat mbi 50 vjeç. Shkak është paraqitja vonë në spital, por edhe mungesa e vaksinimit, që tek moshat e reja është më shqetësuese”, tha ajo.
Nga ana tjetër ekspertët e shëndetit nuk e përjashtojnë një rritje të rasteve me Covid, duke qenë se jemi në prag festash dhe grumbullimet janë të pashmangshme. Ata bëjnë apel për vaksinim pasi pacientët që i kanë marrë dozat, pavarësisht shtrimit në spital kanë një ecuri më të mirë të sëmundjes.
Discussion about this post