Mjeku Pajtim Lutaj, ka dhënë alarmin që shkatërrimin e QSUT me PPP dhe jo vetëm. Praktika ekonomike me PPP është e njohur dhe efikase, por kontratat e PPP-ve në vendin tonë e kanë shpërfytyruar këtë nocion.
“Djalli fshihet ne detaje, efikasiteti është negative se termat e kontratave janë difektoze. Dyshohet fort se janë bërë për ose nga ata që i kanë fituar.
Deformimi me qëllim i këtij nocioni ekonomik ka shkatërruar sistemin shëndetësor dhe në veçanti QSUT e Tiranës, të vetmen Qendër Spitalore Universitare të vendit, spitali që në vitet e mëparshme kryente 75 % te aktivitetit mjekësor në vend”, shkruan Lutaj në rrjete sociale.
Sipas Lutajt, Ministria e Shëndetësisë është inekzistente në programe zhvilluese si dhe ka deformuar format tradicionale të funksionimit të një spitali për shërbimin ndaj pacientëve si dhe ka përkeqësuar legjislacionin dhe rregullat e funksionimit e ciklit te III-të universitar të formimit mjekësor në përgatitjen e mjekëve e rinj.
“Drejtuesit e QSUT të paaftë dhe të papërgjegjshëm kane ngritur një administratë « robote » pa logjike, pa shpirt, arrogante dhe injorante që sorollat pacientët e shkretë, nuk di asgjë veçse u kanë mësuar një pergjigje standarte kur i pyet: përse nuk ka x material apo x medikament, përgjigjja e dhënë nga personat që jo vetëm nuk e duan punën e tyre dhe sistemin ku punojnë, por urrejnë mjekët është: « … kam bërë kërkesën… » dhe as nje avancim, hapi i këtyre ushtarëve, deri këtu arrin, se administrata e urrejtjes nuk i kthen përgjigje kërkesës prej 5 vitesh.. kemi me dhjetra të tilla.
Vijon SOS QSUT”, shkrua më tej Lutaj.
Discussion about this post