Hepatiti misterioz që shfaqet tek fëmijët 1 deri në 16 vjeç ka alarmuar mjekët infeksionistë dhe ata pediatër në të gjithë botën.
Ne Kongresin Europian te sëmundjeve infektive në Lisbonë, është mbajtur një seancë emergjente në lidhje me këtë sëmundje, ku i pranishëm ishte mjeku infeksionist, Prof. Arjan Harxhi, i cili shpjegon se fëmijët rrezikojnë deri në transplant të mëlçisë.
Mungesa e oreksit, përgjumja dhe të vjellat janë simptomat e para që duhet të shqetësojnë prindin, për t’u lidhur menjëherë me mjekun pediatër.
Ende nuk ka të dhëna se si përhapet hepatiti akut ndërkohë që dhe për shkaktarin ka vetëm hipoteza shpjegon prof. Harxhi. Janë gjithsej 169 fëmijë të prekur në Angli, Amerikë, Izrael dhe Danimarkë, Irlandë dhe së fundmi 2 raste edhe në Italinë fqinje./Top Channel
Discussion about this post