Dy persona në Durrës kanë gjetur një mënyrë të thjeshtë për transportin e mobiljeve: Ti hedhin nga ballkoni. Pamjet e asaj ç’ka ndodhi në lagjen 17 i ka postuar ministri i Brendshëm Taulant Balla, i cili e quan ngjarjen të turpshme.
“Ndiqeni këtë video ndërsa dy persona hedhin mobiljet e vjetra dhe mbetjet nga ballkoni. TURP”, shkruan ai në një postim në “FB”.
“Policia e Shtetit Durrës ka reaguar menjëherë ndaj shqetësimit të banorëve të lagjes nr.17 në këtë qytet. Banorët kallëzuan dy persona për ndotje të mjedisit dhe prishje të qetësisë publike, ndërsa hidhnin mobilje e mbetje të cilët u vendosën përpara përgjegjësisë penale. Duhet një koordinim edhe më i mirë mes të gjithë agjencive ligjzbatuese për mbrojtjen e territorit dhe mjedisit nga shkelësit”, shton.
Discussion about this post