Modelja që fiton 4000 euro në muaj… por nuk ekziston!

Ajo quhet Aitana López dhe është nga Barcelona. Hobi i saj është fitnesi, por i pëlqejnë edhe videolojërat.

Modelja ka 95 mijë ndjekës në Instagram, por e veçanta është se Aitana López nuk ekziston. Ajo është një modele e krijuar tërësisht nga Inteligjenca Artificiale dhe fiton 4000 euro në muaj.

Agjencia e komunikimit “The Clueless” e tregon se Aitana López nuk është reale, megjithëse e kufizon qartësimin e këtij fakti vetëm me një “hashtag” #aimodel që shfaqet në profilin e saj.

Modelja Aitana López shfaqet në foto gjithmonë e përsosur, me flokët e lyer rozë dhe me një trup fantastik. Për më tepër, në fotografitë e saj mund të lexoni tekste sikur i ka shkruar vetë.

“Një pasdite e mrekullueshme në kërkim të aksesorëve “anime”. Si do të dëshironit të më shihnit të veshur?”, lexohet në një nga publikimet e saj.

Në një intervistë për radion katalanase “RAC1”, përgjegjësit e kësaj agjencie, të cilët deri më tani kanë punuar me modele reale, kanë treguar pse vendosën të bëjnë një hap drejt modeleve fictive: “Një nga gjërat që i bën çmimet më të shtrenjta është udhëtimi i modeles në Paris dhe hoteli ku do të qëndrojë. Agjencia ka pasur shumë shpenzime dhe prandaj vendosi të krijojë një modele me Inteligjencë Artificiale”.

Ndërkaq, rikujtojmë, se një modele 28-vjeçare nga Berlini e quajtur Sika Moon ka zbuluar se si përdori inteligjencën artificiale për të krijuar një klon të vetes dhe për të fituar para në platformat për të rritur.

Siç tha Sika për “Daily Mail”, kloni i saj ka më shumë tërheqje për publikun se ajo dhe gjithashtu mbledh më shumë para. Ajo ka qenë aktive në industrinë e pornografisë për rreth pesë vjet, por thotë se kurrë nuk ka mundur të fitojë 20,000 dollarë në muaj si “kloni i saj virtual”.