Prodhuesi i vaksinave ‘Moderna’, kundër koronavirusit ndezi këmbanat e alarmit në tregjet financiare të martën duke paralajmëruar se vaksinat aktuale mund të jenë më pak efektive në luftimin e variantit Omicron, krahasuar me llojet e mëparshme.
“Unë mendoj se do të jetë një rënie materiale. Thjesht nuk e di sa, sepse duhet të presim për të dhënat. Por të gjithë shkencëtarët me të cilët kam biseduar shprehen se kjo nuk do të jetë e mirë’, tha Stéphane Bancel, shefi ekzekutiv i Moderna.
Bancel tha gjithashtu se varianti mund të nënkuptojë se vaksinat do të duhet të modifikohen vitin e ardhshëm. BioNTech e Gjermanisë dhe partneri i saj Pfizer kanë thënë se po punojnë për të kuptuar se çfarë niveli mbrojtjeje ofrojnë vaksinat e tyre dhe si t’i përshtatin ato.
Regeneron Pharmaceuticals, e cila e bën koktejin popullor të antitrupave të përdorur si trajtim për pacientët që janë infektuar me Covid-19, mund të jetë gjithashtu më pak efektiv kundër variantit Omicron, thanë prodhuesit e tij të martën. Ndërkohë, Omicron po kërcënon rimëkëmbjen dhe rritjen e ekonomisë amerikane në shkallë globale, sipas ekspertët.
Edhe pse mutacionet e variantit të Omicron kanë shqetësuar shkencëtarët, shumë gjëra mbeten të panjohura për ndikimin e tij të prekshëm. Organi i shëndetit publik i Bashkimit Evropian raportoi të martën 42 raste të variantit Omicron të koronavirusit në 10 vende në të gjithë rajonin. Andrea Ammon, i cili kryeson Qendrën Evropiane për Parandalimin dhe Kontrollin e Sëmundjeve, tha gjatë një konference në internet se rastet e konfirmuara ishin të lehta ose pa simptoma. Presidenti Biden e quajti variantin e koronavirusit Omicron një shkak shqetësimi por jo një shkak për panik. Qendrat për Kontrollin dhe Parandalimin e Sëmundjeve zgjeruan ndjeshëm rekomandimet e saj për vaksinat përforcuese, duke thënë se të gjithë të rriturit 18 vjeç e lart duhet t’i marrin ato.
Discussion about this post