Një ngjarje shokuese është shënuar këtë pasdite në Penteli, të Greqisë, ku një i ri ka marrë sëpatën dhe ka nisur të kërcënojë se do të vriste të atin. Më pas, kërcënimeve që kanë alarmuar familjarët, ai është ngjitur në çatinë e shtëpisë dhe ka tentuar të plagosë efektivët e policisë të cilët kanë shkuar me shpejtësi në vendngjarje.
Në vendngjarje ndodhen tashmë forca të shumta policore si dhe zjarrfikësja. Efektivët e policisë po mbajnë mburoja dhe kanë rrethuar shtëpinë. Njëkohësisht, zjarrfikësit kanë vendosur në oborr një dyshek të posaçëm që i riu të mos hidhet nga çatia.
Gjithashtu, raportohet se sa herë që policia tenton t’i afrohet, 23-vjeçari i gjuan me gurë dhe pllaka. Sipas informacioneve, burri vuan nga probleme psikologjike dhe ka qenë i shtruar në spital në të kaluarën.
Discussion about this post