“Momenti i duhur”/ A do të rikthehet Boris Johnson në krye të Britanisë? Ja mesazhi që jep i ati

I ati i Boris Johnson, Stanley ka deklaruar se mund të jetë tani momenti i duhur që i biri të rikthehet në drejtimin e vendit. Sipas tij, ish-kryeministri ndjen se ende ka punë të papërfunduara.

Edhe pse babai i tij shprehet për “Daily Mail” se ende nuk e di nëse Boris do të rikthehet, ai dha mbështetjen duke deklaruar: Ai ka dëshmuar se është një fitues në të kaluarën dhe mund të ketë disa deputetë që janë duke menduar se ai mund të jetë njeriu për t’i nxjerrë nga situata”.

“Ai mendon se ka shumë punë të papërfunduara, kështu që ky mund të jetë momenti i duhur për të rimarrë detyrën si kryeministër”.