Momenti i paparashikuar në Oscars, Will Smith godet me shuplakë komedianin (Video)

Në ceremoninë e ndarjes së çmimeve Oscar, aktori Will Smith ka goditur me shuplakë komedianin, Chris Rock.

Shkak i kësaj duket se është bërë një shaka e komedianit me modelin e flokëve të Jada Pinkett Smith, bashkëshortes së aktorit Will Smith. Chris Rock tha se flokët e Jada-s (të rruara) janë të denja për “G.I Jane 2” duke iu referuar filmit ku aktorja Demi Moore (në rolin e personazhit Jordan O’Neil) rruan kokën.

Siç duket, Will nuk e priti mirë komentin e Chris Rock. Edhe vetë Jada bëri një shikim që nënkuptonte bezdisje nga përmendja e flokëve.

Here’s the moment Chris Rock made a “G.I. Jane 2” joke about Jada Pinkett Smith, prompting Will Smith to punch him and yell, “Leave my wife’s name out of your f–king mouth.” #Oscars pic.twitter.com/kHTZXI6kuL

— Variety (@Variety) March 28, 2022

Will u ngrit, shkoi drejt Chris, e goditi me shuplakë dhe më pas bërtiti me tone të ashpra që Rock të mos e përmendte emrin e gruas së tij. Duke marrë parasysh komentet online, përplasja e tyre nuk duket e stisur, megjithëse duhet thënë se fillimisht u duk sikur qeshi me shakanë, para se të ngrihej për ta gjuajtur.