Një aksident i rëndë ka ndodhur pasditen e së hënës, kur një avion Canadair CRJ-900 me 80 pasagjerë në bord është rrëzuar gjatë aterimit në Aeroportin Ndërkombëtar Pearson të Torontos.
Video tronditëse të momentit të rrëzimit janë shfaqur në rrjetet sociale, ku shihet avioni që bie në tokë, duke shkaktuar një shpërthim të vogël dhe duke u përmbysur. Pas përmbysjes, avioni ka dalë jashtë kontrollit për disa metra, duke lënë pas një re tymi të zezë.
Pavarësisht shpërthimit dhe përmbysjes, fatmirësisht nuk pati viktima, por 18 pasagjerë u plagosën, tre prej të cilëve janë në gjendje të rëndë – një fëmijë dhe dy burra, njëri prej të cilëve 60 vjeç.
Sipas Autoritetit të Aviacionit Civil të SHBA-së, aksidenti ndodhi në fluturimin 4819 të Delta Air Lines, i cili drejtohej nga Endeavor Air dhe kishte nisur nga Minneapolis. Avioni kishte 22 pasagjerë kanadezë, ndërsa të tjerët ishin të kombësive të ndryshme.
Sipas shefit të zjarrfikësve të aeroportit, hetimet për shkaqet e aksidentit janë ende në faza të hershme, por ai theksoi se pista ishte e thatë dhe nuk kishte erëra të forta në momentin e aterimit.
Discussion about this post