Janë publikuar pamjet e aksidentit tragjik të regjistruar më 10 Prill të këtij viti në Fushë Kuqe të Kurbinit, ku si pasojë e përmbysjes së një zetori humbi jetën drejtuesi Ismajl Ismaili, 60-vjeç, banues në Fushë Kuqe dhe pasagjeri në zetor, Gjin Muhaj 21-vjeç banues në Mirditë.
Në videon e kapur nga kamerat e sigurisisë në zonë, shfaqet momenti kur zetori është duke lëvizur në rrugë të drejtë dhe në mënyrë të çuditshme merr drejtim për nga kanali, ku mjeti përmbyset pasi del nga rruga, duke përfunduar në kanal dhe zë nëntë dy viktimat. Siç duket, drejtuesi Ismajl Ismaili ka humbur kontrollin e drejtimit të mjetit bujqësor.
Kanë qenë banorë të zonës të cilët kanë konstatuar aksidentin dhe kanë tentuar t’u japin ndihmën e parë dy personave, por ata u gjetën në kanal pa shenja jete.
Ismajl Ismaili merrej prej vitesh me bujqësi. Bashkë me punëtorin e tij, ata sapo kishin konsumuar drekën dhe ishin nisur për të punuar tokën me mjetin bujqesor. 21-vjeçari Gjin Muhaj ishte në gjendje të vështirë ekonomike dhe punonte me Ismailin.
Discussion about this post