Monika gjatë kohës që ka qenë në shtëpinë e “Big Brother Vip” ka krijuar një marrëdhënie disi të komplikuar mes dy prej banorëve që janë favorit për çmimin e madh, Donaldin dhe Ilirin. Jo pak herë ajo ndryshonte pozicionet e saj duke mbështetur njëherë njërin e njëherë tjetrin.
Sot në “Ftesë në 5” teksa ishte e ftuar Monika rrëfeu sesi kanë shkuar këto ditë jashtë shtëpisë së “Big Brother Vip”. Monika pohoi se i ka shfrytëzuar këto ditë për t’u qetësuar, por nuk ka harruar të urojë pilotin për ditëlindje dhe i ka bërë një ftesë për të ngrënë drekë bashkë.
Sa i përket marrëdhënies me banorët dhe ish-banorët e BBV Monika tregoi se flet me Arjolën, ndërsa Sabianit i ka bërë bllok. E për marrëdhënien e shumëpërfolur me Ilirin, Monika sqaroi se është ndjerë e zhgënjyer. Madje sipas saj, lezetin Ilirit ia ka dhënë pikërisht ajo.
E pyetur nga Bieta se kujt ia uron fitoren, Monika mbështeti dhe argumentoi për Donaldin.
Discussion about this post