Kryetarja e LSI, Monika Kryemadhi, ka hedhur sot akuza të forta ndaj Erion Veliajt. Gjatë fjalës së saj në Kuvend ajo tha se çmimet në vendin tonë janë rritur 30%. Sipas saj kjo ndodh për shkak se qeveria jonë abuzon, shpenzon shifra marramendëse duke paguar persona që nuk kryejnë asnjë punë. Këtu ajo ka përmendur faktin që Veliaj ka më shumë këshilltarë së kushdo tjetër, që thjesht qëndrojnë pas tij si eskortë dhe nuk shërbejnë për asgjë tjetër.
“E nderuar drejtuese e seancës, të nderuar deputetë të vendit më të zhvilluar dhe të lumtur. Të gjitha ia dimë për nder Zeusit. Sot produktet e shportës janë rritur me 30%. Kemi 100 e ca këshilltarë që paguhen për të bërë eskortën e kryetarit të Bashkisë. Të paktën edhe për moral politik është e ndershme të mos tallemi me qytetarët, të jemi të ndershëm. Jam e bindur se qytetarët na kuptojmë shumë më mirë kur themi të vërtetën dhe kërkojmë falje”, tha ajo. Sakaq, Kryemadhi iu kërkoi qytetarëve që të vazhdojnë protestat, për të kërkuar të drejtën e tyre.
Discussion about this post