Deputetja e Partisë së Lirisë, Monika Kryemadhi është paraqitur paraditen e sotme në ambientet e Prokurorisë së Posaçme.
Ende nuk dihet arsyeja se përse Kryemadhi ndodhet në SPAK.
Por, duhet theksuar se ndaj Kryemadhit, Prokuroria e Posaçme ka nisur një hetim pasuror, gjë që është pranuar edhe nga vetë deputetja.
Në dhjetor të vitit të kaluar, Monika Kryemadhi pranoi se ishte në hetim pasuror nga Prokuroria e Posaçme, e tha se është e hapur të përballet me drejtësinë. Ajo është thirrur edhe disa herë të tjera në Prokurorinë e Posaçme, jo vetëm në lidhje me këtë çështje, por edhe për shkak se ka qenë ndër kallëzueset kryesore për aferën e inceneratorëve.
Ndërkohë më 11 prill 2024 SPAK mori në pyetje për gati 5 orë nënën e Monika Kryemadhit, Fatime Kryemadhi.
Discussion about this post