Monika pranë Ballës/ Pence në Manzë, dalin fotot, si u ulën politikanët shqiptarë në kampin “ASHRAF3”

Dalin fotot nga ndalesa e ish-zëvendësPresidentit të SHBA-ve, Mike Pence, në kampin e iranianëve “ASHRAF3”, në Manzë dhe pritjes së tij nga politikanët shqiptarë.
Pas zbritjes në Rinas, përfaqësuesit e politikës shqiptare si nga opozita ashtu dhe nga maxhoranca kanë shoqëruar Pence në vizitën në kampin e muhaxhedinëve.

Në fotot e siguruara shihen se si janë ulur politikanët shqiptarë, ku bie ne sy Monika Kryemadhi, e cila qëndron afër Taulant Ballës. Ndërsa Enkelejd Alibeaj është ulur në cep.

Të pranishëm në Manzë, janë edhe shumë politikanë të tjerë, si Pandeli Majko, Mimi Kodheli, Belind Këlliçi, Ferdinand Xhaferi, Nasip Naço e të tjerë.
Sjellim në kujtesë që gjatë pritjes së Pence, ish-kryeministri Sali Berisha i cili drejton edhe partinë më të madhe opozitare në vend nuk është i pranishëm.