Ish-kryeministri Sali Berisha ka komentuar megaoperacionin e djeshëm të SPAK të cilin e cilësoi një dështim. Sipas ish-kryeministrit, aksioni i RENEA-s, FNSH-së dhe Policisë së Shtetit në disa qytete u dekonspirua.
“Janë arrestuar gjithsej 7-8 ushtarë, kurse bosët që të gjithë u larguan pasi u njoftuan. Nuk kam të dhëna që morën mesazhe apo telefonata nga narkopolicia, prokuroria apo institucione të tjera, pasi edhe kjo nuk përjashtohet, por një të dhënë ekanë të gjithë shqiptarët, sepse disa ditë më parë, u bë publike se Dumani, një vrasës serial është bërë i penduar i drejtësisë. Nëse prokuroria dhe kushdo tjetër është i interesuar të gjejë dekonspirimin, ky është akti më madhor i dekonspirimit. Të gjithë ata që e dinin se kishin bërë porosi te Dumani apo se Dumani dinte aferat e zeza të tyre, sigurisht, lehtë morën arratinë dhe u zhdukën”, tha Berisha duke shtuar se ky mesazh ishte i qëllimshëm.
Discussion about this post