Morën paga pa shkuar në punë, arrestohen tre zyrtarë

Tre zyrtarë janë arrestuar në Komunën e Novëbërdës të Kosovës, pasi kanë marrë pagat pa shkuar fare në punë. Sipas raportit të Policisë, ata dyshohen për keqpërdorim të pozitës dhe autoritetit zyrtar.

Periudha për të cilën ata dyshohet se e kanë kryer këtë vepër është nga 1 prilli i vitit 2019 e deri më 31 dhjetor të vitit të kaluar.Pas marrjes në pyetje nga Prokuroria, ata janë lënë në paraburgim sipas informacioneve nga autoritetet.

“Novobërdë (NN) 01.04.2019/31.12.2021. Janë arrestuar tre meshkuj kosovarë pasi që dyshohet se kanë keqpërdorur detyrën zyrtare duke marr pagë pa shkuar fare në punë. Me vendim të prokurorit , tre të dyshuarit pas intervistimit janë dërguar në mbajtje”, shkruhet në raport.