Presidenti rus, Vladimir Putin, ka bërë sot një deklaratë të fortë, ku duket se ka paralajmëruar që ushtria ruse mund të përdore armët bërthamore kundër Ukrainës. Në një prononcim për mediat ai theksoi disa herë se, të gjitha objektivat e operacionit special ushtarak rus në Donbas dhe Ukrainë do të përmbushen. “Dua të theksoj përsëri: të gjitha qëllimet e operacionit special ushtarak që po kryejmë në Donbas dhe Ukrainë, i cili filloi më 24 shkurt, do të përmbushen ,” tha Putin gjatë një takimi me anëtarët e Këshillit Legjislativ të Rusisë, duke bërë me dije se kjo do të arrihet me çdo kusht.
Përveç kësaj, Putin paralajmëroi për pasojat e përfshirjes së huaj në pushtimin rus të Ukrainës, duke lënë edhe implikime indirekte edhe për përdorimin e armëve bërthamore. Sipas presidentit rus, nëse dikush përpiqet të ndërhyjë në ngjarje dhe të krijojë kërcënime strategjike të papranueshme për Rusinë, atëherë përgjigja do të jetë “rrufe e shpejtë”. “Ne i kemi të gjitha mjetet për këtë qëllim. Midis tyre, është një për të cilin askush nuk mund të mburret. Dhe ne nuk do të mburremi. Ne do ta përdorim atë nëse është e nevojshme. Dhe unë dua që të gjithë ta dinë këtë. Uniteti i popullit të Rusisë vlen shumë, garanton që vendi do t’i përgjigjet në mënyrë adekuate sfidave dhe kërcënimeve më komplekse, do t’i kalojë të gjitha testet me besim. Kështu ka qenë gjithmonë dhe kështu do të jetë tani,” tha Putin.
Në të njëjtën kohë, presidenti rus tha se qeveria ruse arriti të “bllokojë” grumbullimin e sanksioneve të vendosura ndaj saj, me rezistencën e sistemit bankar. Duke iu referuar Ukrainës, Putin theksoi se Rusia nuk mund të lejojë krijimin e territoreve anti-ruse rreth vendit të tij, i cili “përshëndeti krijimin e një shteti të pavarur ukrainas”.
Discussion about this post