Shqipëria dhe Çekia përballen mbrëmjen e së enjtes në Air ALbania në një sfidë vendimtare përsa i takon rrugëtimit drejt Euro2024.
Një ditë para sfidës, Policia e Shtetit ka publikuar edhe planin e masave, ndërkohë që të gjitha biletat e stadiumit janë të shitura.
Kundërshtari vjen në Tiranë i motivuar dhe me objektiv fitoren, për të marrë kreun e Grupit E, ndërkohë që kombëtarja kuqezi do të synojë marrjen e pikëve të plota që do të thotë një hap i sigurtë drejt Europianit që do të luhet në Gjermani.
Mediat çeke pasqyrojnë çdo gjë në lidhje me këtë përballje, nisur edhe nga deklaratat e futbollistëve.
Jakub Brabec, 38 ndeshje me përfaqësuesen, lojtari i tretë më me shumë paraqitje i ka dhënë zemër shokëve të tij të skuadrës. Gazeta Sport Czech ka publikuar deklaratën e tij se nuk do të lejojmë të fundosemi në Shqipëri.
Në prag të kësaj sfide, Federata Çeke e Futbollit ka dhënë udhëzimë për tifozët e tyre, duke u kërkuar që të tregojnë kujdes.
Gazeta Denik ka publikuar një artikull me titullin: Tifozët trima nga Cekia do të përjetojnë ferrin në Shqipëri. Këshilla është: Mos ecni nëpër Tiranë me fanellën e Çekisë.
Discussion about this post