Vijon protesta e Aleancës për Mbrojtjen e Teatrit dhe Partisë Demokratike e cila po zhvillohet para godinës së SPAK.
Slogani i këtij tubimi është rindërtimi i Teatrit Kombëtar, ashtu ku ishte dhe sic ishte, pasi u shemb në 17 maj 2020.
I pranishëm në protestë ishte dhe regjisori Edmond Budina. Ai i bëri thirrje SPAK-ut që mos bëhet palë me mafien dhe e drejta e qytetarit do të fitojë derisa banda e qeverisë të shporret nga pushteti.
“Sot jemi këtu pas një kohe kaq të gjatë për të treguar se ne si qytetarë nuk do ta ulim kokën, nuk do të përkulemi para dhunës së pushtetit, dhunës së mafies, ne kemi reshtuar se sa kallëzime kemi bërë. Shumë kush mund të thotë se kemi bërë shumë, ne I kemi bërë dhe do vazhdojmë ti bëjmë, deri sa e drejta e qytetarit të fitoje, deri sa kjo bandë të shporret, dhe TK të ndërtohet ku ishte dhe sic ishte. Kemi degjuar dje se mos e frikësoni SPAk, ne nuk kërcënojmë askënd, por kemi të drejtën të ngrihemi dhe të kerkojmë se pse pas 2 vjetësh e 9 muaj SPAK nuk po reagon, pse behet palë më mafian. Sheshi I TK shërben për pastrimin e parave të pista, ne jemi për ti thënë stop mafies, afera e inceneratorëve, Durrësit, jemi për të mbështetur SPAkun , që jemi me të dhe ti themi mos u bëj palë me mafien.
Ata mbushin xhepat me milionat e qytetarëve, me paratë e taksapaguesve shqiptar. Është detyrë imediate e SPAk ut të reagojë.
Ne nuk lodhemi për të protestuar kundër kësaj qeverie dhe për të ardhur ditë për ditë. Është në shëmbim të mafies nëse nuk reagon, ne do vazhdojmë protestat tona”, deklaroi Budina gjatë fjalës së tij.
Discussion about this post