Drejtori i Policisë së Shtetit Muhamet Rrumbullaku ishte sot i pranishëm në konferencën me temë “Lufta kundër trafikimit njerëzor”. Gjatë fjalës së tij, ai paralajmëroi reformë në rradhën e uniformave blu, duke theksuar nevojën për të pasur oficerë të aftë, të mirëtrajnuar dhe kurajoz për tu përballur me krimin e organizuar.
Muhamet Rrumbullaku: Kam kërkuar një reformim të policisë, si ligjor, arsimor e strukturor, për krijimin e një trupë të aftë profesionistësh për t’u përballur me krimin.
Akademia e Sigurisë duhet të luajë rol duke rritur kapacitetet e stafit me programe afatgjata trajnimi.
Përballja me krimin e organizuar që kërkon të sfidojë drejtësinë rendin e sigurinë. Ndaj ka nevojë të kemi oficerë të mirëtrajnuar me integritet të lartë profesional e moral, inteligjentë dhe me kurajo e aftësi të veçanta për t’u përballur me krimin e organizuar.
Discussion about this post