Ndërsa i gjithë vendi është zgjuar më mot të keq, ku në shumë qytet kanë vazhduar që nga mbrëmja e kaluar reshjet e shiut, ARRSH raporton se disa rrugë janë bllokuar plotësisht.
Përmes një njoftimi zyrtar, Autoriteti Rrugor Shqiptar ka evidentuar zonat ku janë shkaktuar dëme si pasojë e reshjeve të shiut që kanë përfshirë vendin përgjatë orëve të natës. Sipas ARRSH rënie gurësh ka pasur në zonën e Poçemit, Gjirokastrës, Sarandës dhe aksi Elbasan-Librazhd.
“Reshje shiu me intensitet mesatar kanë vazhduar gjatë natës pa sjellë probleme me qarkullimin e mjeteve
Ka pasur rënie gurësh ose inertesh në disa zona, si në zonën e Poçemit, Gjirokastrës, Sarandës dhe në zonën e Murrashit në aksin Elbasan-Librazhd.
Grupet e patrullimi po bëjnë pastrimin e rrugës për të filluar kalimi i makinave.
Kontraktorët e mirëmbajtjes janë në terren për mbarëvajtjen e akseve”, thuhet në njoftim.
Në këtë kuadër, ARRSH bën thirrje që përdoruesit e rrugës të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë për shkak të lagështisë në rrugë.
