Reshjet e shiut gjatë natës kanë krijuar probleme në shumë qarqe të vendit, përfshirë këtu dhe bashkinë e Gjirokastrës. Gjatë natës ka dalë nga shtrati përroi i Lënxës në fshatin Lazarat duke krijuar probleme në qarkullimin e njerëzve dhe makinave që lidhin dy lagjet kryesore të këtij fshati.
Punonjësit e Ndërmarrjes së Shërbimeve kanë punuar me skrep për të hequr inertet që kishin uzurpuar rrugën dhe vetëm pak më parë situata është normalizuar. Ndërsa problematike qëndron situata në aksin rural Kolonjë-Golem ku inertet e rëna nga lartësitë si pasojë e shirave, kanë krijuar bllokimin e rrugës.
Momentalisht banoret e Golemit gjenden të izoluar nga pjesa tjetër e vendit si rrjedhojë e kësaj situate. Ndërkohë, disa fshatra në Tepelenë dhe Memaliaj kanë probleme me furnizimin me energji elektrike.
Discussion about this post