Reshjet e dendura të shiut kanë sjellë përmbytje dhe izolim të shumë zonave në Shqipëri. Një ndër zonat më shqetësuese mbetet qarku i Vlorës, ku si pasojë e rritjes së nivelit të ujit në Lumin Vjosa shumë fshatra janë izoluar apo përmbytur, teksa disa ura janë dëmtuar duke u kthyer në të pakalueshme nga banorët. Kreu i Emergjencave Civile, Haki Çako ka folur lidhur me situatën në Fier duke u shprehur se disa zona në Ferras janë përmbytur duke bërë që të paktën 3 familjë të evakuohen. Ai u shpreh se nuk ka përmbytje massive, por megjithatë lajmëroi banorët se niveli i ujërave ndihmës ka arritur maksimumin.
“Prej disa orëve, gati dy ditësh kanë vazhduar reshje intensive, shkak i cili ka sjellë edhe përmbytje dhe mbingarkesën e lumit Vjosa dhe të lumenjve të tjerë. Ajo që është më e rëndësishme është kapja e niveleve maksimale të lumit Vjosa. Strukturat kanë qenë gjitha natës në qarkun Fier dhe Vlorë dhe kanë marrë masa për të evituar çdo problematikë apo shqetësim të banorëve. Duhet të informojmë publikun se aktualisht niveli i ujërave ndihmës ka kapur nivelin maksimal, por nuk kemi përmbytje. Në Ferras janë disa banesa që janë prezencë uji, janë evakuuar 3 familje. “
Ai informoi se kapacitet locale dhe vendore po punojnë për menaxhimin e situatës dhe në prurjet e Vjosës pritet të ketë një rënie të intesitetit të nivelit të ujit që do të pasqyrohet dhe në Memaliaj.
“Janë vënë në dispozicion të gjitha kapacitete e strukturave lokale dhe vendore. Tashmë mund të themi se nuk kanë rrezik. Pritet intensitet në rënie në prurjet e Vjosës, ç’ka reflektohet në nivelin që po bie në Memaliaj. Po ashtu edhe në Vlorë, nuk paraqiten probleme është punuar gjithë natës, është mbyllur një çarje e argjinaturës e cila mund të sillte probleme serioze”, tha Çako.
Discussion about this post