Moti i keq ka goditur Siçilinë duke shkaktuar probleme edhe në trafikun ajror. Në Catania ka pasur dhjetëra fluturime të devijuara, ndërsa ka pasur vonesa në shumë fluturime të tjera. Probleme ka pasur edhe në Alcamo, ku shiu i rrëmbyer ka përmbytur shtëpi, dyqane e magazina.
Dëmet më të mëdha janë shkaktuar në Siçili, ku disa makina u morën nga rrjedha e fortë e ujit që vërshoi nëpër rrugë.
Në zonë ranë gati 150 mm shi, një sasi që zakonisht regjistrohet në disa muaj. Ndërkohë, këto reshje kanë shkaktuar rrëshqitje toke, përmbytje dhe dëme në prona.
Gjithashtu, 5 turistë rrezikuan seriozisht jetën në Catania, pasi minibusi me të cilin udhëtonin e mori rrjedha e ujit në rrugë. Atyre iu desh të braktisnin mjetin, ndërsa u shpëtuan nga Mbrojtja Civile të cilët i dërguan në një zonë të sigurt.
Po ashtu me dhjetëra shoferë mbetën të bllokuar në makinat e tyre, por fatmirësisht nuk mbeti askush i lënduar. Në Meddina, për shkak të alarmit nga moti i keq, janë mbyllur shkollat dhe po ashtu edhe në zonën e Tirrene.
Ndërkohë po monitorohet zona Giarre Situata. Salvatore Cocina, drejtor i mbrojtjes civile rajonale thotë se është shpallur alarmi kuq dhe mbi njëqind qendra operative komunale janë të hapura dhe po monitorojnë situatën.
