Moti i keq me reshje të dendura shiu dhe erëra të forta ka bllokuar punën në Portin e Shëngjinit. Mësohet se kapiteneria e portit ka pezulluar lundrimet që nga paraditja e djeshme.
Mjetet lundruese janë ankoruar në port dhe nuk do të lejohet lundrimi deri në një urdhër të dytë. Shpejtësia e erës në det hapur është 20m/s si dhe dallgët e detit kanë shkuar deri 7-8 ballë me drejtim jug/perëndim.
Gjithashtu, si pasojë e motit të keq që ka përfshire rajonin e Lezhës prej mbrëmjes të së mërkurës, ka pasur probleme dhe me furnizimin me energji elektrike në disa zona. Moti i keq shkaktoi probleme dhe në qarkullim, ku Rruga e Arbrit është bllokuar nga rrëshqitja e dherave dhe gurëve.
Discussion about this post