Operatori i Sistemit të Shpërndarjes ka njoftuar se dy elektriciste janë lënduar gjatë punës së tyre në riparimin e rrjetit elektrik të dëmtuar nga koha e keqe. Mësohet se njëri nga elektricistët e dëmtuar po punonte në një pikë për riparim defekti në Tarabosh dhe tjetri në Balldren. Dy elektricistët kanë marrë lëndime në këmbë dhe kokë, por ndodhen jashtë rrezikut për jetën.
Moti i keq ka shkaktuar defekte në rrjetin elektrik duke lënë disa zona pa energji elektrike. Zonat më të prekura nga defektet janë periferia e Tiranës, Lezha dhe Burreli, teksa në terren janë angazhuar rreth 1600 punonjës prej mbrëmjes së djeshme, duke punuar për riparimin e rrjetit elektrik. Deri tani janë riparuar 80 % e avarive në linjat elektrike në vend, ndërsa rrjeti që furnizon spitalet dhe hidrovoret janë që të gjithë në gjendje pune.
Discussion about this post